Leifur metinn hæfastur umsækjenda
Leifur Garðarsson var metinn hæfastur af þremur umsækjendum um stöðu deildarstjóra á unglingastigi Stapaskóla. Ekki hefur enn verið gengið frá ráðningarsamningi við hann.
Þetta er haft eftir Gróu Axelsdóttur, skólastjóra Stapaskóla, í umfjöllun Vísis um ráðninguna, sem hefur einnig eftir Gróu að stjórnendur skólans hafi vitneskju um að starfsfólk skólans og foreldrar barna í skólanum hafi áhyggjur af stöðunni.
Leifur starfaði sem skólastjóri Áslandsskóla í Hafnarfirði í tæplega tvo áratugi þegar hann sagði upp störfum á síðasta ári eftir að upp kom að hann hafði sent óviðeigandi skilaboð á unga körfuknattleiksstúlku. Leifur starfaði þá einnig sem körfuknattleiksdómari, en var vikið úr því starfi á svipuðum tíma.
Samkvæmt Vísi vildi Gróa hvorki tjá sig um hvort Leifur hafi fengið meðmæli frá fyrrum samstarfsfólki sínu í Áslandsskóla né hvort stjórnendum Stapaskóla hafi verið kunnugt um ástæður þess að Leifur lauk störfum sem skólastjóri Áslandsskóla.
Mynd: Skjáskot Vísir / Áslandsskóli.is