Keilir fékk 15 milljóna króna styrk vegna þjálfunar flugvirkjanema í Skotlandi
Rannís hefur úthlutað tæplega 400 milljónum króna, í náms- og þjálfunarstyrki úr menntahluta Erasmus+, mennta- og æskulýðsáætlunar ESB. Einn skóli á Suðurnesjum var á meðal styrkþega að þessu sinni, en Keilir Aviation Academy fékk tæplega 15 milljónir króna vegna verklegrar þjálfunar flugvirkjanema í Skotlandi.
Erasmus+, mennta- og æskulýðsáætlun Evrópusambandsins, er stærsta áætlun í heimi á þessu sviði. Ísland fær árið 2017 um 8 milljónir evra eða ríflega 900 milljónir til ráðstöfunar í verkefnistyrki á sviðum menntunar og æskulýðsmálefna, þar af eru um 650 milljónir til menntahlutans.