United Silicon hefur tíu daga til að greiða ÍAV milljarð
![united silicon](https://i1.wp.com/www.sudurnes.net/wp-content/uploads/2016/03/united-silicon.jpg?resize=620%2C264)
Í úrskurði Gerðardóms frá því á mánudag er United Silicon gert að greiða ÍAV verktökum milljarð króna vegna vangoldinna greiðslna í tengslum við uppbyggingu kísilvers fyrirtækisins í Helguvík.
Í úrskurðinum segir að United Silicon hafi tíu daga til að ganga frá greiðslum til ÍAV. Niðurstaða gerðardóms er bindandi fyrir aðila og ekki má fara með slíkt mál fyrir dómstóla. Þetta kemur fram á vef mbl.is, en þar segir Kristleifur Andrésson, upplýsingafulltrúi kísilversins að verið sé að fara yfir dóminn.
„Þetta er rúmlega 200 blaðsíðna dómur. Við verðum að fá tíma til að lesa hann yfir og fara yfir hann. Áður verður ekkert hægt að segja,“ segir Kristleifur