Jón Ásgeir og félagar kaupa hlut í Samkaup
![netto sudurnes](https://i2.wp.com/www.sudurnes.net/wp-content/uploads/2015/06/netto-sudurnes.jpg?resize=620%2C264)
Fjárfestingafélagið SKEL hefur keypt 5% eignarhlut í matvörukeðjunni Samkaup hf. af KEA. Eftir kaupin er SKEL fimmti stærsti hluthafi Samkaupa en Kaupfélag Suðurnesja er stærsti hluthafinn með 51,3% hlut. Þetta kemur fram á vef Viðskiptablaðsins.
Jón Ásgeir Jóhannesson, stofnandi Bónus, er stjórnarformaður hjá fjárfestingafélaginu og einn stærsti hluthafi þess ásamt eiginkonu sinni.
Samkaup rekur um sextíu smávöruverslanir um land allt þar á meðal verslanir Nettó, Krambúðina, Kjörbúðina og Iceland og eru höfuðstöðvar fyrirtækisins í Reykjanesbæ.