Stálu tveggja milljóna króna dekkjalager

Lögreglan á Suðurnesjum rannsakar nú þjófnað á 180 – 200 dekkjum sem stolið var frá bílaleigu í umdæminu nýverið. Auk dekkjanna var Samsung sjónvarpi stolið.

Sá eða þeir sem þarna voru á ferð höfðu brotið upp hurð baka til í fyrirtækinu og komist þannig inn. Um var að ræða negld Infinity dekk og er verðmæti þeirra allt að 1.8 milljónum króna.