Starfsemi HSS óbreytt

Ekki verður röskun á starfsemi Heilbrigðisstofunar Suðurnesja þrátt fyrir skort á heitu vatni á Suðurnesjum, nema á fæðingarvakt. Önnur starfsemi helst óbreytt.

Um helgina voru settar upp varmadælur við HSS sem sjá stofnuninni fyrir heitu vatni til neyslu og húshitunar.

Dælurnar verða ekki komnar á fullan kraft á ljósmæðravaktinni fyrr en líða tekur á vikuna og því ekki hægt að bjóða uppá að konur fæði börn sín á HSS fyrr en það er komið í lag.