Gámagramsarar lofa Nettó-verslanir – Flott skipulag og vel staðsettar

Ferðalangar og fólk sem stundað hefur svokallað gámagrams hér á landi segir það vera hægðarleik að finna mikið magn af ætilegum mat í ruslatunnum við verslanir og veitingastaði. Verslanir Nettó í Reykjanesbæ og Grindavík fá þannig góðar umsagnir á vefsíðu sem tileinkuð er þessum lifnaðarhætti.

Verslun Nettó í Krossmóa er þannig sögð fínn staður til að hefja ferðalag á Íslandi þar sem hún sé staðsett við flugvöllinn. Verslun Nettó í Grindavík fær plús í kalddann fyrir skipulag, en fram kemur í umsögn að vel sé flokkað  gáma við verslunina að auðvelt sé að nálgast það sem fólk vill, grænmeti og ávextir í einum gám, bökunarvörur í öðrum og kjöt og annað góðgæti í þeim þriðja. Verslanir Nettó á landsbyggðinni fá einnig flottar umsagnir á vefnum og verslun fyrirtækisins á Selfossi sennilega þá bestu, en haft er eftir notanda síðunnar að þar sé hreinlega hægt að nálgast mat og annað góðgæti í innkaupakörfum sem hægt sé að rúlla með um sveitina.