Fleiri missa pláss í FLE
Margir samningar sem snúa að verslunar- og veitingarekstri í Flugstöð Leifs Eiríkssonar renna út á næstunni og verða boðnir út. Þetta var á meðal þess sem kom fram á kynningarfundi fyrirtækisins með áhugasömum rekstraraðilum í Hörpu í dag. Í morgun var greint frá því að veitingastöðum Joe and the juice, Nord og Loksins yrði lokað um áramót.
Nú standa yfir miklar framkvæmdir á flugstöðinni, sem hljóða upp á 37 milljarða króna, og er áætlað að nýtt verslana- og veitingasvæði verði 25.000 fermetrar.
Meiri rekstur í stöðinni verður boðinn út í ár, á borð við gleraugnaverslun, gjafavöru og útivist, kaffihús og gjaldeyrisþjónusta, en flestum samningum við rekstraraðila er að ljúka.