Fá að byggja fjórar hæðir ofan á hús við Hafnargötu – Gera ráð fyrir 16 íbúðum
![hafnarg29](https://i2.wp.com/www.sudurnes.net/wp-content/uploads/2017/06/hafnarg29.jpg?resize=620%2C264)
Til stendur að byggja fjórar hæðir ofan á núverandi verslunarhúsnæði við Hafnargötu 29 og koma þar fyrir 16 íbúðum. Þá er gert ráð fyrir bílageymslu á baklóð með að minnsta kosti 16 stæðum. Samtals er sótt um stækkun húsnæðisins sem nemur allt að 2000 fermetrum.
Á fundi Umhverfis- og skipulagsráðs Reykjanesbæjar á dögunum kom fram að málið hafi verið sent í grenndarkynningu og að engar athugasemdir hafi borist við fyrirhugarðar breytingar og eru áformin því samþykkt af ráðinu.