Fólk hvatt til að sýna heilbrigðisstarfsfólki þakklæti í verki í kvöld
![hjukr laekn hss](https://i0.wp.com/www.sudurnes.net/wp-content/uploads/2019/03/doctor-563428_1280.jpg?resize=620%2C264)
Íslendingar eru hvattir til þess að fara að fordæmi Ítala, Spánverja og fleiri þjóðerna og fara út á svalir eða út í garð og klappa fyrir heilbrigðisstarfsfólki landsins sem stendur í ströngu um þessar mundir vegna kórónuveirufaraldurs.
Stofnaður hefur verið viðburður á Facebook um málið og hafa þúsundir skráð sig til leiks og munu sýna þakklæti í verki með þessum hætti. Fólk er jafnframt hvatt til að taka upp myndbönd og deila á samfélagsmiðlum undir myllumerkinu #þakklætisklapp eða #thakklaetisklapp.