Costco-vörur á Costco-verðum í Reykjanesbæ
![costco](https://i1.wp.com/www.sudurnes.net/wp-content/uploads/2020/06/zr9svm4v2co41.jpg?resize=620%2C264)
Verslanir Extra munu bjóða upp á tuttugu vinsælar Costco-vörur á Costco-verði. Fyrirtækið rekur verslun við Hafnargötu, þar sem verslunin Iceland var áður til húsa.
Á meðal þeirra Costco-vara sem Suðurnesjamönnum stendur til boða að kaupa verða eldhúspappír, klósettrúllur, þvottaefni, gosdrykkir og ávaxtasafar.
Extra er í eigu Basko, sem aftur er í eigu Skeljungs, sem hefur átt í farsælu samstarfi við Costco frá því verslunarrisinn hóf starfsemi hér á landi.
Vefmiðillinn Vísir greindi frá, en í grein miðilsins kemur fram að vörurnar sem seldar verði í verslunum Extra verði á Costco-verðum.