Zeto tekur þátt í Hello Tomorrow Summit – “Mikill heiður og frábært tækifæri”
![gulleggid - eydis mary](https://i2.wp.com/www.sudurnes.net/wp-content/uploads/2016/03/gulleggid-eydis-mary.jpg?resize=620%2C264)
Frumkvöðlafyrirtækið Zeto hefur verið valið í hóp 500 bestu deep-Tech frumkvöðlafyrirtækja í heiminum og mun taka þátt í Hello Tomorrow Summit sem haldin verður í París í október.
“Þetta er mikill heiður og frábært tækifæri þar sem við fáum að hitta fulltrúa nokkura stærstu fyrirtækja heims og kynna Zeto fyrir fjárfestum,” segir á Facebook-síðu fyrirtækisins.
Þá er til mikils að vinna, en á Hello Tomorrow Summit eru veitt ýmis verðlaun, þar á meðal fjármögnun upp á 100.000 Evrur, eða um 12 milljónir króna, sem besta frumkvöðlafyrirtækið að mati dómnefndar fær í sinn hlut.
Frumkvöðlarnir í Zeto hafa fengið fjölda viðurkenninga hér á landi, en fyrirtækið sem er hugarfóstur Eydísar Mary Jónsdóttur og fjölskyldu þróar, framleiðir og markaðssetur lífrænar serumhúðvörur úr kaldpressuðu þaraþykkni.