Varamaðurinn tryggði Keflavík sigur á lokmínútunni
![ia-keflavik fotbolti](https://i0.wp.com/www.sudurnes.net/wp-content/uploads/2015/06/ia-keflavik-fotbolti.jpg?resize=620%2C264)
Varamaðurinn Magnús Sverrir Þorsteinsson var hetja Keflvíkinga þegar hann skoraði sigurmark liðsins á lokamínútum leiksins gegn Leikni á Fáskrúðsfirði í dag. Leikurinn fór 2-3 fyrir Keflvíkinga.
Keflvíkingar byrjuðu betur og komust yfir með marki Magnúsar Matthíassonar eftir 16 mínútna leik. Leiknir náði að jafna fyrir hlé og var staðan í hálfleik því 1-1.
Jónas Guðni Sævarsson kom Keflvíkingum yfir á ný á 57. mínútu, en heimamenn náðu að jafna skömmu síðar. Allt stefndi í jafntefli þegar Magnús Sverrir, sem var nýkominn inná, náði að lauma inn sigurmarkinu rétt áður en lokaflautan gall.
Með sigrinum komust Keflvíkingar í 5. sæti deildarinnar.