Njarðvík deildarmeistari – Stórt tap hjá Víði
![njardv hottur fotb](https://i1.wp.com/www.sudurnes.net/wp-content/uploads/2017/06/njardv-hottur-fotb.jpg?resize=620%2C264)
Njarðvíkingar tryggðu sér deildarmeistaratitilinn í 2. deildinni í knattspyrnu með sigri á KV á Njarðtaksvellinum í dag. Njarðvíkingar skoruðu 3 mörk gegn einu Vesturbæinga. Kenneth Hogg og Arnór Björnsson skoruðu sitt markið hvor fyrir Njarðvíkinga, en eitt var sjálfsmark.
Víðsmenn sem áttu veika von um að tryggja sér sæti í Inkassó-deildinni töpuðu stórt í Mosfellsbænum, þar sem þeir sóttu Aftureldingu heim. Heimamenn komu knettinum fimm sinnum í mark Víðsmanna sem skoruðu eitt. Það var Patrik Snær Atlason sem skoraði mark Víðismanna.