Reynir tapaði nágrannaslagnum – Eiga þó enn möguleika á að fara upp
![vidir leikmenn rafn vilbergs](https://i0.wp.com/www.sudurnes.net/wp-content/uploads/2015/07/vidir-leikmenn-rafn-vilbergs.jpg?resize=620%2C264)
Víðismenn lögðu nágranna sína í Reyni frá Sandgerði í 3. deildinni 3-1. Milan Tasic skoraði tvö marka Víðis og Tómas Jónsson setti eitt mark. Mark Reynismanna skoraði Hafsteinn Rúnar Helgasson.
Önnur úrslit í deildinni voru Reynismönnum hagstæð þannig að þeir eiga enn möguleika á að vinna sér sæti í 2. deildinni. Víðismenn eru hinsvegar öruggir um að halda sæti sínu í deildinni að ári en eftir erfiða byrjun hafa þeir heldur betur hrokkið í gang og unnið hvern leikinn á fætur öðrum.
Næstu leikir liðanna fara fram þann 12. september þegar Víðsmenn taka á móti liði KFR og Reynismenn heimsækja lið KFS.