Hulk Hogan brugðið eftir harkalega lendingu á Keflavíkurflugvelli – Myndband!
Bandaríski glímukappinn Hulk Hogan komst í hann krappan þegar bremsubúnaður einkaflugvélar sem hann var farþegi í skemmdist illa í harkalegri lendingu á Keflavíkurflugvelli í gær.
Hogan lýsir reynslu sinni í myndbandi á Facebook. Í því kemur fram að bremsubúnaðurinn hafi brætt úr sér og dekk hafi sprungið við harkalega lendingu á vellinum.
Hulk Hogan var einn þekktasti glímukóngurinn á níunda áratug síðustu aldar. Hann er þekktur fyrir afgerandi útlit sitt, vöðva og ljóst hár og skegg. Hann hefur leikið í fjölda kvikmynda og þátta.