Annað sætið tryggði Söru sex milljónir króna
![sara1411](https://i2.wp.com/www.sudurnes.net/wp-content/uploads/2017/07/sara1411.jpg?resize=620%2C264)
Ragnheiður Sara Sigmundsdóttir endaði í öðru sæti á sterku CrossFit móti Rogue fitness um helgina.
Helsti keppinautur Söru undanfarin misseri, Tia-Clair Toomey frá Ástralíu, sigraði mótið nokkuð örugglega, en hún nældi í 75 stigum meira en Sara.
Annað sætið gaf Söru 5,4 milljónir íslenskra króna í verðlaun, auk þess sem hún sigraði eina grein sem bætir um 600.000 krónum við verðlaunaféð.