Anita Lind á leið til Kolding með U-17 ára landsliðinu
![anita lind fotbolti u17](https://i0.wp.com/www.sudurnes.net/wp-content/uploads/2015/06/anita-lind-fotbolti-u17.jpg?resize=500%2C264)
Anita Lind Daníelsdóttir er á leið á Opna Norðurlandamótið með U-17 ára landsliði kvenna. Mótið fer fram í Kolding í Danmörku 28. júní – 5. júlí. Þessa dagana fer fram Evrópumót U-17 ára liða hér á landi og því fer yngri hópur á Norðurlandamótið og er Anita Lind í 18 leikmanna hópi sem Úlfar Hinriksson landsliðsþjálfari hefur valið til þátttöku í mótinu.
Anita Lind er fædd árið 1999 og verður 16 ára í sumar. Hún leikur með RKV í 3. flokki kvenna og á þegar nokkra leiki að baki með meistaraflokki. Anita Lind hefur leikið tvo leiki með U-17 ára landsliðinu en hún var með liðinu á UEFA-móti sem fór fram í Færeyjum í apríl.