Nýjast á Local Suðurnes

18 útskrifuðust af Verk- og raunvísindadeild Háskólabrúar Keilis

Keilir útskrifaði átján nemendur af Verk- og raunvísindadeild Háskólabrúar við hátíðlega athöfn á Ásbrú föstudaginn 12. ágúst. Með útskriftinni hafa alls 78 nemendur útskrifast af Háskólabrú Keilis í sumar og samanlagt 143 nemendur úr fjarnámi og staðnámi deildarinnar á þessu ári.

Hjálmar Árnason, framkvæmdastjóri Keilis, flutti hátíðarræðu og Soffía Waag Árnadóttir, forstöðumaður Háskólabrúar, flutti ávarp. Oddný Eva Thorsteinsson flutti ræðu útskriftarnema en hún varð einnig dúx með 9,22 í meðaleinkunn. Fékk hún bók og lesbretti frá Keili sem viðurkenningu fyrir góðan námsárangur.

Hér má nálgast myndasafn frá útskriftinni, en þær tók Oddgeir Karlsson ljósmyndari.