Einn fluttur á sjúkrahús eftir að eldur kom upp í veitingastað
Eldur kviknaði í eldhúsi á veitingastað við Hafnargötu í Keflavíkurhverfi Reykjanesbæjar í morgun. Einn var fluttur á sjúkrahús.
Samkvæmt upplýsingum sem MBL.is hefur frá brunavörnum Suðurnesja lagði mikinm svartan reyk frá staðnum þegar slökkvilið kom á vettvang.
Einn starfmaður var á staðnum þegar eldurinn kviknaði og var hann fluttur á sjúkrahús vegna gruns um reykeitrun. Mikið tjón varð á staðnum.
Íbúðir fyrir ofan veitingastaðinn voru rýmdar.