Safna undirskriftum gegn flutningi bókasafns í Hljómahöll
Bæjarstjórn Reykjanesbæjar er hvött til að falla frá ákvörðun sinni um að flytja Bókasafn Reykjanesbæjar í Hljómahöll og þrengja þannig að starfsemi Tónlistarskóla Reykjanesbæjar, Rokksafns Íslands og Hljómahallar með undirskriftarlista á vef Ísland.is.
Undirskriftalistinn var nýlega settur í loftið og hafa þegar þetta er ritað rétt tæplega 700 manns skrifað undir.