Kafbátar bandaríska hersins þjónustaðir frá Helguvík
Kjarnorkukafbátar á vegum bandaríska hersins verða þjónustaðir frá Helguvík, en í morgun var greint frá því að þeir yrðu þjónustaðir hér við land, en ekki tilgreint hvar.
Bátarnir munu sjást vel frá landi, en þeir verða að líkindum í 5-10 km fjarlægð frá strandlengjunni. Fyrsti bátur er væntanlegur mjög fljótlega og er gert ráð fyrir að fjöldi heimsókna verði allt að tíu á ári.
Þetta segir Þórdís Kolbrún Reykfjörð Gylfadóttir utanríkisráðherra í samtali við mbl.is. Auk utanríkisráðuneytisins munu Landhelgisgæsla Íslands, Geislavarnir ríkisins og ríkislögreglustjóri koma að verkefninu.