Vegagerðin býður út tengingu Hafnavegar við Reykjanesbraut

Myndin tengist fréttinni ekki beint

Vegagerðin hefur óskað eftir tilboðum í gerð nýrrar vegtengingar Hafnavegar við Reykjanesbraut. Tengingin verður við hringtorg við Fitjar.

Um er að ræða nýbyggingu vegarins á um 850 m löngum kafla, og lokun á núverandi gatnamótum Reykjanesbrautar og Hafnavegar vestan við hringtorgið, með tilheyrandi rifi malbiks og yfirborðsfrágangi umferðareyja Reykjanesbrautar, sem og landmótun og yfirborðsjöfnun utan hennar.

Helstu magntölur eru:

•  Skeringar                                             1.000 m³
•  Rif malbiks og umferðareyja            2.200 m²
•  Ræsi (fóðurrör) fyrir lagnir                  123 m
•  Fyllingar                                            12.500 m³
•  Styrktarlag                                          5.900 m³
•  Burðarlag                                            2.100 m³
•  Malbik                                                 9.150 m²
•  Kantsteinn                                             225 m
•  Umferðareyjur                                      775 m²
•  Ljósastaurar                                            16 stk.
•  Frágangur og landmótun              13.300 m²

Verklok eru 15. september 2018, gerð Hafnavegar skal þó lokið fyrir 15. ágúst 2018.