Eldur í bifreið á Grindavíkurvegi
Eldur kviknaði í bifreið á Grindavíkurvegi um átta leytið í gærkvöldi. Engin slys urðu á fólki, en einhverjar tafir urðu á umferð.
Brunavarnir Suðurnesja voru fljótar á staðinn og slökktu eldinn, en bifreiðin mun vera gjörónýt eftir eldinn.
Ekki er vitað nákvæmlega hvað olli eldinum, en líklegt þykir að um einhvers konar tæknilega bilun hafi verið að ræða, segir í frétt mbl.is af slysinu.
Umferð truflaðist á meðan á slökkvistörfum stóð og beina þurfti ökumönnum framhjá.