Nýjast á Local Suðurnes

Ráðherra samgöngumála fyrir kosningar: „Við erum náttúrulega á móti veggjöldum.“

Njörður Sigurðsson, bæjarfulltrúi í Hveragerði, segir alla fulltrúa núverandi ríkisstjórnarflokka, í Suðurkjördæmi, hafa verið á móti veggjöldum fyrir síðustu kosningar en hafa samt, nú rúmu ári síðar allir samþykkt veggjöld.

Njörður skrifaði pistil um málið á Facebook, en þar segist hann hafa hlustað á þátt sem tekinn var upp í aðdraganda kosninga í Suðurkjördæmi.

Þetta sögðu núverandi alþingismenn og ráðherra á þeim tíma:

– Sigurður Ingi Jóhannsson (B): „Við erum náttúrulega á móti veggjöldum.“
– Heiða Guðný Ásgeirsdóttir (V): „Nei við höfum ekki verið hlynnt veggjöldum í Vinstri grænum.“
– Páll Magnússon (D): „Það er ekki stefna Sjálfstæðisflokksins að leggja á veggjöld. Allir þingmenn Sjálfstæðisflokksins í þessu kjördæmi eru á móti því að það verði lögð á veggjöld.“

Auk þess sagðist Birgir Þórarinsson (M) þetta: „Miðflokkurinn er á móti veggjöldum.“ Fulltrúi Miðflokksins samþykkti veggjöld í umhverfis- og samgöngunefnd Alþingis á dögunum.