Nýjast á Local Suðurnes

Umfangsmikil kannabisræktun stöðvuð – Gám þurfti undir plöntur og tæki

Myndin tengist ekki umræddu máli

Lögreglan á Suðurnesjum stöðvaði í vikunni umfangsmikla kannabisræktun í umdæminu. Hún var til staðar í íbúð sem hafði sýnilega verið leigð gagngert til þess að framleiða þar kannabisefni, því enginn bjó í henni. Karlmaður og kona voru handtekin á vettvangi og viðurkenndi karlmaðurinn að hafa staðið fyrir ræktuninni. Rökstuddur grunur leikur á að þarna hafi farið fram dreifing og sala fíkniefna.

Fengin var dráttarbifreið með gám til að fjarlægja plönturnar og mikið magn tóla og tækja sem notuð höfðu verið við framleiðsluna, segir í tilkynningu frá lögreglunni á Suðurnesjum, en þar kemur einnig fram að málið telst vera upplýst.

Lögreglan minnir á fíkniefnasímann 800-5005. Í hann má hringja  til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.