Stofna stýrihóp vegna Almyrkva

Samband sveitarfélaga á Suðurnesjum stendur nú að undirbúningi vegna Almyrkva á sólu sem mun eiga sér stað þann 12. ágúst 2026. Um er að ræða einstakan náttúruviðburð með mikla möguleika fyrir samfélagið á Reykjanesi.

Verkefnið snýr að heildstæðum undirbúningi í aðdraganda almyrkva – með áherslu á fræðslu, aðstöðu, öryggi og samfélagslega þátttöku og hefur Samband sveitarfélaga á Suðurnesjum falið Markaðsstofu Reykjaness að veita verkefninu framgöngu í nánu samstarfi við sveitarfélögin. Í því skyni verður stofnaður sameiginlegur stýrihópur sveitarfélaganna, sem mun meðal annars kortleggja helstu verkefni tengd almyrkvanum á svæðinu, samræma undirbúning og vinna að forgangsröðun verkefna auk þess að styðja við frekari verkefnavinnu innan síns sveitarfélags.

Á Íslandi mun almyrkvinn meðal annars sjást vel í Sandgerði, verði heiðskírt, klukkan 17:47 og standa yfir í tæpar tvær mínútur, samkvæmt Wikipedia

Mynd: Wikipedia