Sofnaði undir stýri og endaði utan vegar

Bifreið ökumanns, sem sofnaði undir stýri, endaði utan vegar  austan við Grindavíkurveg. Bifreiðin var óökufær eftir atvikið og var fjarlægð með dráttarbifreið.

Nokkuð var um umferðaróhöpp í umdæmi lögreglunnar á Suðurnesjum í vikunni. Farþegi slasaðist í hörðum árekstri tveggja bifreiða á gatnamótum Stekks og Reykjanesbrautar. Bifreiðin sem hann var í  var ekið frá stöðvunarskyldu út á Reykjanesbraut og í veg fyrir aðra bifreið. Farþeginn var fluttur á Heilbrigðisstofnun Suðurnesja og þaðan á Landspítala. Bílarnir voru fjarlægðir af vettvangi með dráttarbifreið.