Skemmtileg körfuboltatölfræði: Brenton sá eini sem hefur náð fjórfaldri tvennu í efstu deild
Tölfræði getur verið skemmtileg, og það er nokkuð sem síðuhaldarar vestfirska körfuboltavefjarins Fúsijama.tv hafa gaman af að skoða. Þeir Fúsijamafélagar lögðu í mikla rannsóknarvinnu á dögunum og fundu út að örfáir einstaklingar hafa náð að setja fjórfalda tvennu í leik í efstu deild körfuboltans hér á landi.
Fjórföld tvenna er sjaldgæft afrek í körfubolta, segir á síðu Fúsijama, en það er þegar leikmaður nær tveggja stafa tölu í fjórum af eftirfarandi fimm tölfræðiþáttum: stigum, fráköstum, stoðsendingum, vörðum skotum og stolnum boltum.
Í lauslegri rannsóknarvinnu Vestfirðinganna sem halda úti vefnum, kemur í ljós að einungis fjórir leikmenn hafa náð þessu afreki í leik á milli liða úr efstu deild í deild-, bikar- eða úrslitakeppni. Í úttekt þeirra kemur einnig fram að í öllum leikjunum, að einum undanskildum koma lið af Suðurnesjum við sögu.
Brenton Birmingham náði þessu afreki, með árs millibili, bæði skiptin í úrslitakeppni, árið 2000 með Grindavík í leik gegn Keflavík og aftur árið 2001 í leik með Njarðvík gegn Tindastóli.
Dags. | Nafn | Deild | Fyrir | Móti | Stig | Frák. | Stoð. | Stol. |
---|---|---|---|---|---|---|---|---|
15.10.96 | Penny Peppas | Úrvalsd. kvk | Grindavík | ÍR | 52 | 16 | 11 | 10 |
16.03.00 | Brenton Birmingham | Úrslitakeppni kk | Grindavík | Keflavík | 17 | 14 | 10 | 10 |
17.03.01 | Brenton Birmingham | Úrslitakeppni kk | Njarðvík | Tindastóll | 28 | 10 | 11 | 11 |
10.11.05 | Reshea Bristol | Úrvalsd. kvk | Keflavík | Grindavík | 30 | 16 | 10 | 10 |
25.09.09 | Heather Ezell | Poweradebikar kvk | Haukar | Njarðvík | 24 | 13 | 10 | 10 |
09.01.10 | Heather Ezell | Úrvalsd. kvk | Haukar | Valur | 25 | 15 | 11 | 10 |