Skrúðganga og skemmtidagskrá í Reykjanesbæ á sumardaginn fyrsta
![sunflower-187985_1280](https://i1.wp.com/www.sudurnes.net/wp-content/uploads/2015/08/sunflower-187985_1280.jpg?resize=620%2C264)
Það verður nóg um að vera í Reykjanesbæ á sumardaginn fyrsta. Skátar hefja sumargleðina klukkan 12:30 með skrúðgöngu frá skátaheimilinu til Keflavíkurkirkju þar sem skátamessa hefst klukkan 13:00.
Á milli klukkan 15:00 og 18:00 verða skátarnir síðan með skemmtidagskrá við 88 Húsið þar sem hægt verður að gera margt sér til skemmtunar og kaupa happdrættismiða til styrktar skátunum.
Deginum lýkur í Stapa þar sem tónleikarnir Hljómlist án landamæra hefjast kl. 20:00. Fjöldi þekktra listamanna kemur fram á tónleikunum sem eru samstarfsverkefni Sveitarfélaganna á Suðurnesjum, Miðstöðvar símenntunar á Suðurnesjum og Listar án landamæra. Verkefnið er styrkt af Uppbyggingarsjóði Suðurnesja.