Reykjanesbrautin á óvissustig og gæti verið lokað með stuttum fyrirvara
![stormur snjor vedur](https://i2.wp.com/www.sudurnes.net/wp-content/uploads/2015/12/stormur-snjor-vedur.jpg?resize=620%2C264)
Vegagerðin hefur sett Reykjanesbraut á óvissustig, í dag 31. janúar til klukkan 20 og gæti veginum því verið lokað með stuttum fyrirvara. Gul veðurviðvörun er fyrir Suðurnesjasvæðið, en búist er við vindi allt að 22 m/s upp úr hádegi.
Búast má við miklu skafrenningskófi og skyggni verður um tíma um og innan við 100 metrar, ekki síst á Suðurnesjum og á Höfuðborgarsvæðinu.
Bæði verður blint og hætt við verulegri ófærð jafnt innanbæjar sem og úti á vegum.