Einn á sjúkrahús eftir árekstur á Reykjanesbraut
Einn var fluttur á sjúkrahús eftir alvarlegt umferðarslys við álverið í Straumsvík, þar sem fólksbifreið og vöruflutningabíll lentu saman. Beita þurfti klippum til að ná ökumanni fólksbifreiðarinnar úr bílnum.
Brautinni var lokað í báðar áttir um tíma, en hún hefur nú verið opnuð fyrir umferð.
Var það ökumaður fólksbifreiðarinnar sem var fluttur á slysadeild en ökumaður vöruflutningabifreiðarinnar slapp án teljandi meiðsla.