Reykjanesbær er fjórða fjölmennasta sveitarfélag landsins
Íbúum í Reykjanesbæ fjölgaði um 86 frá 1. desember 2018 til 1. febrúar og þar með varð Reykjanesbær fjórða stærsta sveitarfélag landsins.
Íbúafjöldi í Reykjanesbæ er nú 18.968, en Þjóðskrá birti nýjustu íbúatölur í morgun. Fjölmennasta sveitarfélag landsins er Reykjavík með 129.119 íbúa samkvæmt nýjustu tölum Þjóðskrár. Næst á eftir er Kópavogur með 37.052 íbúa og Hafnarfjörður þriðja stærsta sveitarfélag landsins með 29.814 íbúa.