Lögregla og landhelgisgæsla kanna aðstæður við Keili
Lögreglan á Suðurnesjum fer nú um svæðið við Keili á Reykjanesi til að kanna áhrif jarðskjálfta sem reið yfir svæðið um klukkan 10 í morgun. Þá er þyrla Landhelgisgæslunnar farin á svæðið til að kanna aðstæður.
Ekkert tjón hefur verið tilkynnt í kjölfar skjálftans og ekki hefur verið tilkynnt um meiðsl á fólki, samkvæmt vef mbl.is.
Óvissustig almannavarna hefur verið í gildi á Reykjanesi vegna landriss á svæðinu síðan 26. janúar.