Lögregla leitar að Kristínu Júlíönu
Lögreglan á Suðurnesjum lýsir eftir Kristínu Júlíönu Baldursdóttur sem er þrettán ára gömul en hún skilaði sér ekki heim að loknum grunnskóla í Sandgerði í gær og ekki er vitað um ferðir hennar eftir það, samkvæmt upplýsingum frá lögreglu.
Kristín Júlíana er 172 cm á hæð og þéttvaxin, með sítt rautt hár. Hún var klædd í svarta úlpu með skinnkraga, svörtum leggings, svörtum skóm og með hello kitty tösku. Þeir sem verða varir við Kristínu Júlíönu eru vinsamlegast beðnir að hafa samband við lögregluna á Suðurnesjum í síma 444-2299 eða 444-2200.