Kviknaði í út frá samlokugrilli
Lögregla og slökkvilið voru kölluð að Ásbrú í vikunni eftir að tilkynnt hafði verið um eld í íbúð. Þar hafði samlokugrill verið skilið eftir í sambandi og kviknað í því. Skemmdir urðu óverulegar en reykræsta þurfti íbúðina.
Þá var tilkynnt að kveikt hefði verið í blaðakassa í Keflavík. Eldurinn hafði verið slökktur þegar lögregla kom á vettvang og leit að þeim sem þar voru að verki bar ekki árangur.