Gestrisið Suðurnesjafólk í ferðaþjónustu – Buðu svöngum ferðalöngum í mat
![Asa_og_Reynir](https://i1.wp.com/www.sudurnes.net/wp-content/uploads/2017/03/Asa_og_Reynir.jpg?resize=620%2C264)
Suðurnesjafólkið Reynir Róbertsson og Ása Fossdal hafa undanfarin ár rekið verslunina og veitingastaðinn Hólabúð á Reykhólum við góðan orðstír. Þau hjón eru höfðingjar heim að sækja og einmitt því fengu nokkrir svangir ferðalangar að kynnast á dögunum.
Forsaga málsins er sú að ferðalangarnir höfðu leigt sér þyrlu til ferðalags og einn af viðkomustöðunum var Hólabúð þeirra hjóna. Þegar útlendingarnir lentu á við verslunina var veitingastaðurinn hins vegar lokaður og litla þjónustu að fá – Hjónin brugðu þá á það ráð að bjóða svöngum ferðalöngunum í dýrindis máltíð á heimili sínu.
Ferðalangarnir voru ánægðir með matinn og gestrisni þeirra Reynis og Ásu því skömmu síðar fékk Hólabúð frábær meðmæli frá hópnum á ferðavefjum.