FöstudagsÁrna vantar milljón kall fyrir Leoncie-plötu!

Stjörnuprýddur föstudagspistill þar sem meðal annars er fjallað um forseta vor, borgarstjórann og sjálfa Leoncie svo eitthvað sé nefnt.

Ikea er víst að vinna að breytingu í andyri verslunarinnar. Þar á að koma upp boxhring fyrir kófruglaða pabba og þá er einnig stefnt að því að koma upp blautbolskeppni fyrir missúrar mæður. Hugmyndin kveiknaði eftir að tvenn pör lentu beinlínis í átökum eftir að hafa farið með börnin sín í smáland – sem er leikjahornið í Ikea. Annað parið tók númer, en hitt ekki. Forsvarsmenn Ikea eru sannfærðir um að leggja númerakerfinu og hér eftir geta foreldrar slegist upp á pössun fyrir gríslingana sína.

Hún var í nettu áfalli konan frá Chicago þegar hún mætti á tölvuhakkararáðstefnu og komst að því að notkun hennar á titrara er notuð í markaðslegum tilgangi hjá framleiðanda titrarans. Konan fjárfesti í snjalltitrara, þar að segja að það er snjallforrit í símanum hennar sem heldur utan um notkun hennar. Já skráir niður hversu oft og lengi appatatið fullnægir þörfum eigandans. Auðvelt er að hakka sig inn í snjallsímana okkar og það var gert með hennar og notkunin var greinilega eins og km- mælir í gömlum leigubíl og sýndi að græjan er verulega endingargóð og því gögnin notuð til að auka sölu á þessu úthaldsgóða titrara. Konan er að sjálfsögðu búin að höfða mál – þetta er nú einu sinni USA.

Ég er að safna á fullu, vantar eina milljón eða svo tilað bjóða í 30 ára gamla vinylplötu Leonice. Indverska prinsessan er með uppboð í gangi á þessum dýrgrip. Með henni á plötuumslaginu er engin annar en Jón Páll heitinn. Hann Jón var þjóðargersemi. Ég man að einu sinni kom hann í Garðinn og samkomuhúsið var troðfullt. Þarna stóð hann og blés upp hitapoka eins og ekkert sé þar til að þeir sprungu. Ég mun að sjálfsögðu klippa Jón Páll úf af plötuumslaginu og henda restinni, hver vill ekki eiga góða mynd af goðinu okkar.

Hjónin á Sveinsstöðum í Húnavatnssýslu eru fjárbændur og sleppa milligönguliðum og selja því lambakjöt beint til neytenda. Fyrir vikið fá þau 50-90% meira fyrir afurðir sínar. Það er deginum ljósara að búvörusamningurinn er á marga vegu tímaskekkja. Bændur eiga að gera þetta í auknu mæli og ef sláturhús eða vinnslustöðvar þarf á þeirra hráefni að halda þá borga þau uppsett verð.. Ef ég hefði tök á því að kaupa beint af býli þá myndi ég ekki hugsa mig tvisvar um. Tökum dæmi, ég vek athygli að upphæðirnar sem ég nefni eru út í bláinn, bóndi selur sláturhúsieð kjötiðnaðarfyrirtæki skrokkinn á 5.000 og það fyrirtæki selur neytendum skrokkinn á 12.000. Í staðin getur bóndinn verið að selja neytendum skrokkinn beint á 10.000. Við borgum minna en bóndinn fær samt meira í vasann. Ég vil stunda svona viðskipti.

DV birti frétt í vikunni að Helgi Magnússon fjárfestir, hafi og félög honum tengdum, styrkt kosningabaráttu Guðna Th. um eina milljón. Helgi er sagður standa á þétt við bakið á Viðreisn líka. Helgi er annálaður evrópusinni og það liggur fyrir að forsetinn er líka skotinn í evrópusambandinu. Á Helgi inni greiða hjá Guðna ef Viðreisn kemst til valda og verða aðildarviðræðurnar settar í gang aftur með stuðningi forsetans?

Talandi um forsetann, en Guðni fékk sér kökusneið ívikunni og hágrét. Yndisleg kona tók sig til og bakaði í sólarhringog safnaði áheitum fyrir krabbameinssjúka. Ég tek hatt minn ofan fyrir þessa konu sem er greinilega með hjarta úr gulli. En henni varð mikið að sjá forsetann droppa við og fór að gráta. Við það eitt brást þjóðarleiðtoginn okkar í grát líka og uppákoman því orðin að þriggja klúta-atriði eins og í góðri dramatískri bíómynd. Ég býð ekki í það ef Guðni stæði frammi fyrir náttúruhamförum eða hryðjuverkum þar sem reynir verulega á forseta að halda stillingu og þjappa þjóð sinni saman – hann yrði bara með ekka.

Borgarstjórinn í Reykjavík ætlar að rúnta á milli dvalarheimila í leit að starfsfólki til starfa á leikskólum borgarinnar. Okkar heldra fólk hefur víst ekki skilað nægu til samfélagsins í gegnum tíðina. Í staðin fyrir að bjóða mannsæmandi laun á leikskólum ætlar hann að toga þau upp úr hjólastólunum, hrifsa af þeim göngugrindurnar og það verður engin óætur matarbakki fyrr en í lok vinnudags. En öllu gríni slepptu þá er tillagan hans niðurlægjandi á svo marga vegu. Bæði gagnvart þeim sem eru sestir í helgan stein og eiga loksins að njóta efri árana og líka gagnvart þeim sem hafa hætt og leitað vinnu annarsstaðar vegna launakjara.

Það er alvarlegt ef rétt reynist, að ráðuneytisstjóri í fjármálaráðuneytinu sé hringja og hóta þingmönnum. Skýslan umdeilda frá Vigdísi Hauksdóttur er greinilega skjal sem allir kjósendur ættu að lesa fyrir komandi kosningar. Fyrir liggur að VG og Samfylkingin fórnuðu heimilinum í landinu og töpuðu milljörðum og hunsuðu neyðarlögin. En það er alltaf svo að það má aldrei benda vinstri mönnum á þeirra mistök þótt skotleyfið þeirra er alltaf í gildi og þarf aldrei að endurnýja. Gott dæmi er hvernig þessir flokkar breyttu landslögum til að geta rekið Davíð Oddsson úr Seðlabankanum og besta dæmið er hvernig þessir flokkar drógu Geir Haarde fyrrum forsætisráðherra fyrir landsdóm fyrir heimskreppu. Valdamikill ekki satt? Geir var forsætisráðherra í heil 2 ár og var dreginn fyrir landsdóm eins og hann væri fjöldamorðingi – slík var heiftin og fyrirlitningin í þessu fólki sem að stórum hluta situr ennþá á þingi og kann ekki að skammast sín. Ég vil að skýslan sé send á hvert heimili til aflestrar og sjáum svo hvernig næsta skoðunarkönnun kemur út fyrir þessa flokka.

Forsetaembættið fitnar og fitnar, kostnaðarlega séð. Guðni Th. er þriðji forsetinn á launaskrá hjá okkur, en eins og flestir vita haldast forsetar á launaskrá út lífið. Vigdís er ennþá í fullu fjöri og ekki vantar stuðið í Ólaf Ragnar. Núna þarf aukastarfsmann á Bessastaði til að sinna ýmsum verkum. Spurning hvort skattgreiðendur séu að fara að greiða fyrir barnapössun, ekki vantar krakkana á Bessastaði núna. Þá er Ólafur að fá aðstoðarmann í hálft starf sem kostar 7 milljónir á ári. Þá kostar 15 milljónir að lagfæra Bessastaði, setja barnalæsingar á salernissetur og skápa, og líma gúmmíhorn á borðin.

Góða helgi