Fólkið fundið heilt á húfi
Starfsmenn Veðurstofunnar sem leitað hefur verið á Reykjanesskaga í dag eru fundnir heilir á húfi.
Fólkið var við rannsóknir á jarðskjálftasvæðinu í dag, þó ekki á skilgreindu hættusvæði, og urðu viðskila. Óttast var að þeir gætu orðið kaldir og blautir og því var þeirra leitað. Fólkið var með GPS-tæki á sér og vant útivist, segir í frétt mbl.is af málinu.