Flugeldi kastað inn um glugga íbúðarhúss
![logr](https://i0.wp.com/www.sudurnes.net/wp-content/uploads/2019/11/logr.jpg?resize=620%2C264)
Flugeldi var kastað inn um opinn glugga íbúðarhúsnæðis á Suðurnesjum um helgina, þar sem hann sprakk. Minni háttar skemmdir urðu af þessu athæfi. Lögreglan á Suðurnesjum hafði upp á þeim sem þarna voru að verki og reyndust það vera nokkur ungmenni.
Þá var tilkynnt um skothvelli við Garðskagavita. Í því tilviki reyndist vera um flugeldaskot að ræða.
Lögregla bendir á að öll meðferð flugelda er óheimil nema á tímabilinu 28. desember til 6. janúar að báðum dögum meðtöldum. Er þeim tilmælum beint til fólks að virða þær reglur.