Fjordvik flutt til niðurrifs í Belgíu

Sements­flutn­inga­skipið Fjor­d­vik sem strandaði við hafn­argarðinn í Helgu­vík aðfaranótt 3. nóv­em­ber á síðasta ári verður flutt til Belgíu til niðurrifs.

Skipið lamd­ist sem kunnugt er við stór­grýtt­an hafn­argarðinn í Helguvík á meðan á björgunaraðgerðum stóð og skemmdist. Það hefur verið í þurrkví í Hafnarfirði frá því það var dregið þangað þann 15. nóvember. Þar hefur meðal ann­ars var soðið upp í gat á síðunni og skipið gert flot­helt.

Í umfjöllun Morgunblaðsins um málið kemur fram að skip­inu verði ekki siglt héðan held­ur verður því fleytt inn í siglandi flot­kví (Roll-Dock) og flutt til niðurrifs í Belg­íu.