Farþegar hvattir til að koma ekki á einkabílum á KEF
![bilastaedikef flugv](https://i1.wp.com/www.sudurnes.net/wp-content/uploads/2017/04/bilastaedikef.jpg?resize=620%2C264)
Farþegar á leið í flug um Keflavíkurflugvöll í dag eru hvattir til að koma ekki á einkabílum sínum á völlinn. Aðgengi og færi að P3 langtímastæðinu er erfitt vegna skafrennings.
Erfiðlega hefur gengið að ryðja stæðið í gær og í dag. Farþegar eru hvattir til að taka rútur út á flugvöll eða fá far þangað. Tilkynnt verður þegar aðgengi að langtímastæðinu verður orðið betra.