Byggja 30 metra hátt mastur til að bæta neyðar- og öryggisfjarskiptakerfi
![grindavik](https://i1.wp.com/www.sudurnes.net/wp-content/uploads/2016/08/grindavik.jpg?resize=620%2C264)
Neyðarlínan hefur óskað eftir heimild frá Grindavíkurbæ til að reisa 30 metra hátt stálmastur við hlið Hópsnesvita til að bæta neyðar- og öryggisfjarskiptakerfi. Auk þess sem öryggisfjarskiptakerfi Neyðrlínunnar bætist mun skapast möguleiki fyrir fjarskiptafyrirtæki að bæta farsíma- og netþjónustu.
Bæjarstjórn Grindavíkurbæjar samþykkti byggingaráformin með fyrirvara um að settir verði skilmálar um jarðrask og frágang til að tryggja að umgengni á framkvæmdartíma verði til fyrirmyndar. Þá er tekið fram að fyrir liggi jákvæð umsögn Vegagerðarinnar og Samgöngustofu ásamt leyfi landeigenda.