Þvottahöllin bauð best í þvott og samanbrot fyrir HSS
![hss](https://i1.wp.com/www.sudurnes.net/wp-content/uploads/2017/03/hss.jpg?resize=620%2C264)
Þvottahöllin átti lægsta boð í þvott á líni og frágangi þess fyrir Heilbrigðisstofnun Suðurnesja, en verkefnið var boðið út á dögunum.
Tveir aðilar buðu í verkefnið sem felst í þvotti og samanbroti á um þremur tonnum af líni á mánuði, til afhendingar á línlager sjúkrahússins að Skólavegi í Reykjanesbæ. Verði samið við Þvottahöllina mun samningsupphæðin nema um 15 milljónum króna á ársgrundvelli. Kostaðaráætlun verkkaupa hljóðaði upp á tæplega 14 milljónir króna.