Björgunarsveitir kallaðar út – Verktakar hugi að framkvæmdasvæðum
![Landsbjörg vedur](https://i2.wp.com/www.sudurnes.net/wp-content/uploads/2020/12/FB_IMG_1606867486916.jpg?resize=620%2C264)
Búið er að kalla út björgunarsveitir á Suðurnesjum þar sem verður er afar slæmt í augnablikinu. Lögregla hvetur verktaka til að huga að framkvæmdasvæðum.
Tilkynning lögreglu:
Kári karlinn að þenja sig eitthvað í dag hjá okkur. Var þetta ekki búið?
Erum að fá tilkynningar um hluti að fjúka og hurðar að fjúka upp. Endilega gangið úr skugga um að allt sé öruggt í umhverfinu hjá ykkur eins og garðhúsgögn, grill og trampólínin blessuðu. Annars bara innivera, kakó og páskaegg.
Eigið góða helgi.
Viðbót:
Það er sannkallað skítaveður og verður fram á kvöld. Búið er að ræsa út björgunarsveitir og hvetjum við verktaka til að huga að framkvæmdarsvæðum eins og nýbyggingum. Reynum að halda björgunarsveitunum heima um páskana og leggjumst öll á að hafa hlutina bara í lagi í okkar umhverfi.