Hagnaður af rekstri Base Hotel fyrir lokun
![base2](https://i2.wp.com/www.sudurnes.net/wp-content/uploads/2016/08/base2.jpg?resize=620%2C264)
Rekstur Base Hotel á Ásbrú, sem var í eigu fjárfestingafélags Skúla Mogensen, skilaði hagnaði ári áður en því var lokað á dögunum. Tekjur fjárfestingafélagsins voru tæpur hálfur milljarður króna árið 2018.
Samkvæmt ársreikningi rekstrarfélagsins TF HOT, sem rak Base Hotel, fyrir árið 2018 var 15 milljóna króna hagnaður á því ári. Tekjur félagsins námu 428 milljónum króna, en þar af námu tekjur af gistingu 332 milljónum króna.