Einvígi Ragnheiðar Söru og Katrínar Tönju annað kvöld – Myndband!
![sara tanja](https://i2.wp.com/www.sudurnes.net/wp-content/uploads/2016/02/sara-tanja.jpg?resize=620%2C264)
Ragnheiður Sara Sigmundsdóttir og Katrín Tanja Davíðsdóttir munu mætast í einvígi á vegum Crossfit Games í Colorado Springs, í Bandaríkjunum annað kvöld.
Katrín Tanja fagnaði sem kunnugt er sigri á Heimsleikunum í crossfit á síðasta ári eftir æsispennandi keppni við Njarðvíkinginn Ragnheiði Söru, sem hafði leitt keppnina allan tímann en endaði í 3. sætinu eftir að hafa lent í vandræðum í síðustu þrautinni.
Þessi keppni verður líkt og flestar keppnir á vegum Crossfit Games í beinni útsendingu á netinu á heimasíðu keppninnar. Hér fyrir neðan er að finna kynningarmyndband fyrir einvígi hraustustu kvenna heims.