Unnið að því að koma starfsfólki af jarðskjálftasvæði – Líklegt að Reykjanesbraut verði lokað
Mikið af fólki á vegum Veðurstofunnar og almannavarna er á jarðskjálftasvæðinu við Keili og Fagradalsfjall í vettvangsvinnu og er unnið að því að koma því í burtu.
Þetta kemur fram í máli Víðis Reynissonar, yfirlögregluþjóns hjá Almannavörnum, í samtali við mbl.is. Hann hvetur almenning til að fara alls ekki á svæðið. „Við þurfum vinnufrið á svæðinu,“ segir hann.
Víðir segir að miðað við viðbragðsáætlun sé líklegt að Keflavíkurvegi verði lokað ef gos hefjist, en að miðað við hvar óróapúlsinn mælist sé ekki líklegt að það verði í langan tíma.