Tekin með kannabis í kílóavís
![kannabis](https://i2.wp.com/www.sudurnes.net/wp-content/uploads/2015/12/seedling-1062908_1280.jpg?resize=620%2C264)
Kona var tekin með mikið magn af kannabisefni í Flugstöð Leifs Eiríkssonar fyrr í mánuðinum. Hún var að koma frá Malaga á Spáni þegar tollgæslan stöðvaði hana. Í ferðatösku sinni reyndist hún vera með tæp fimmtán kíló af efninu.
Lögreglan á Suðurnesjum handtók konuna og var hún í framhaldinu úrskurðuð í gæsluvarðhald. Hún sætir nú tilkynningaskyldu.