Sviptur olli árekstri – Bílvelta á Reykjanesbraut

Myndin tengist fréttinni ekki beint

Bílvelta varð síðdegis í gær á Reykjanesbraut, norðan við Vogaafleggjara. Atvikið varð með þeim hætti að ökumaðurinn ók á ljósastaur og fór bifreiðin í kjölfarið þrjár veltur. Ökumaður var fluttur með sjúkrabifreið á Heilbrigðisstofnun Suðurnesja til aðhlynningar.

Þá varð harður árekstur á Njarðarbraut á laugardag þegar tveir bílar skullu saman. Ökumaðurinn sem valdur var að árekstrinum reyndist vera sviptur ökuréttindum. Ekki urðu alvarleg meiðsl á fólki en fjarlægja þurfti báða bílana með dráttarbifreið.